Xiriir!Nala soo xiriir. Fikirkaaga waa muhiim.

Khasaaraha Weerar culus oo Al-shabaab ay ku Qaadday Magaalada AFMADOW

Militants of al Shabaab ride on pick-up trucks after displaying their weapons on the outskirts of Mogadishu, December 8, 2008. The hardline Islamist insurgent group al Shabaab has taken control of a central Somali trading town after fighting that killed at least 13 people and wounded dozens of others, residents said. REUTERS/Feisal Omar (SOMALIA)
Militants of al Shabaab ride on pick-up trucks after displaying their weapons on the outskirts of Mogadishu, December 8, 2008. The hardline Islamist insurgent group al Shabaab has taken control of a central Somali trading town after fighting that killed at least 13 people and wounded dozens of others, residents said. REUTERS/Feisal Omar (SOMALIA)

Ugu yaraan saddex ruux ayaa ku dhintay, shan kalena way ku dhaawacmeen weerar ay Al-shabaab xalay ku beegsatay saldhig ay cidanka amniga maamulka Jubbaland ku leeyihiin gudaha Degmada Afmadow ee Gobolka Jubbada Hoose.

Ciidamadii degmada Af-madow ku sugnaa iyo dagaal-yahannadii Al-shabaab ee Weeraray ayaa waxaa degmadaas ku dhexmaray dagaal socday saacado dhawr ah, sida ay xaqiijiyeen shacabka degmada ku nool.

Goob-joogayaal la hadlay Warbaahinta, ayaa sheegay in labo ka mid ah saddexda ruux ee ku dhintay dagaalka ay ahaayeen ciidankii Jubbaland ee weerarka lagu qaaday, halka ruuxa kale ay ahayd Haweeney da’a ahayd oo haleeshay rasaastii ay dinacyadu is-dhaafsanayeen.

Sidoo kale, Wararka ayaa intaas ku daraya in Shanta Ruux ee ku dhaawacmay dagaalka ay isugu jira Ciidamada Maamulka Jubbaland iyo shacab ku dhawaa halka uu dagaalkaani ka dhacay oo la sheegay inay ahayd Agagaarka Kawaanka Degmada Af-madow.

Al-shabaab ayaan weli la ogeyn khasaaraha dagaalka kasoo gaaray, marka laga soo tago in Mas’uuliyiinta Degmada Af-madow ay sheegeen inay Dagaalkaan ku dileen tiro ka mid ah xoogaggii Al-shabaab weerarka soo qaaday.

Dhanka kale, Shacabka Degmada Afmadow oo la hadlay VOA-da ayaa xusay in muddadii uu dagaalku socday ay dhinacyadu isku adeegsadeen hub kala duwan, iyadoo Wararku ay sheegayaan in diyaarado dagaal ay markii dambe Duqeymo u geysteen Dagaal-yahannadii Al shabaab ee weerarka ku qaaday degmadaa.

Maamulka Jubbaland ayaa si  toos ah uga hadlin dagaalkan iyo khasaarahiisa, iyadoo sidoo kale aysan Al-shabaab weli dhankeeda ka hadlin khasaaraha weerarka ay la beegsatay Af-madow kasoo gaaray xoogaggeeda.

Ugu dambeyn, Degmada Afmadow ee gobolka Jubbada Hoose, ayaa waxay ka mid tahay deegaannada ay Al-shabaab go’doomiyeen, iyadoo Al-shabaab ay ka Taliso Deegaannada iyo tuulooyinka ku dhaw-dhaw Af-madow.

Add a Comment

Your email address will not be published. Required fields are marked *